Шимбә көнне «Елмай» паркында балалар өчен кирәк-яраклар белән алмашу буенча сезонның соңгы ярминкәсе оештырыла

Шимбә көнне «Елмай» паркында балалар өчен кирәк-яраклар белән алмашу буенча сезонның соңгы ярминкәсе оештырыла

<p> 13 нче сентябрь, шимбә көнне «Елмай» паркында балалар өчен кирәк-яраклар белән алмашу буенча сезонның соңгы ярминкәсе үтәчәк. Яшь казанлылар чарада үзләренең уенчыкларын, китапларын, киемнәрен һәм кул эшләнмәләрен сата, бүләк итә һәм алмаша алачак. </p> <p> Иҗтимагый киңлек сәхнәсе янындагы мәйданчыкта 25 сәүдә ноктасы эшләр дип көтелә. Бу балалар өчен үзләренең әйберләрен ышанычлы кулларга тапшыру мөмкинлеге белән бергә, товарларга бәя кую, исәп-хисап ясап финанс тәҗрибәсе туплау буенча да менә дигән чара булып тора. </p> <p> Сатудан тыш, чарада катнашучы 6 яшьтән 12 яшькә кадәрге балалар өчен шәһәрнең телләр өйрәтә торган бер мәктәбе 12:30–13:00 вакыт аралыгында интерактив мастер-класс үткәрәчәк. </p> <p> Кирәк-яраклар белән алмашу ярминкәсендә катнашу өчен теркәлү үтәргә кирәк. Ул сәгать 17:00 дә <a target="_blank" href="https://parkikazani.ru/poster/zaklyuchitelnaya-detskaya-barakholka-sezona-v-parke-elmay/">ачылачак</a>, дип хәбәр итә шәһәрнең парклар һәм скверлар дирекциясе. Кирәк-яраклар белән алмашу ярминкәсе сәгать 11:00 дә башлана. </p>

2025-09-10T15:30:23+0300