Татарстан башкаласында ылыслы агачлар җыю буенча акция башлана

Гыйнвар ахырына кадәр шәһәрдә Яңа ел чыршысын кабул итү буенча 21 пункт эшләячәк

Фото: Денис Гордийко

(Казан шәһәре KZN.RU, 10 нчы гыйнвар). Казанда 13-31 нче гыйнварда «Елки-палки» экологик акциясе узачак. Анда катнашучылар ылыслы агачларны эшкәртүгә тапшыра алачак.

Җыелган чыршылар шәһәрне төзекләндергәндә туфракка мүлчә җәю һәм юлларга салу өчен кулланылачак йомычкага әвереләчәк.

Агачларны җыю өчен 21 кабул итү пункты ачылачак. Акциянең беренче көннәрендә кайбер урыннарда волонтерлар эшләячәк – алар шәһәр халкының проект турындагы сорауларына җавап бирәчәк. Пунктлар тулган саен чыршыларны МПС-1 калдыклар сортлау комплексына чыгарачаклар.

Агачларны кабул итү пунктларының адреслары

Авиатөзелеш һәм Яңа Савин районнары
Лаврентьев урамы, 10

Ленинград урамы, 27

Вахитов һәм Идел буе районнары

Р.Зорге урамы, 77

Сафиуллин урамы, 21

Ротор урамы, 9

Җиңү проспекты, 15 корп. 1

Дача урамы, 1

Н.Назарбаев урамы, 60

Совет районы

Җиңү проспекты, 141

Разведчик Әхмәров урамы, 7

Альберт Камалиев проспекты, 1

Космонавтлар урамы, 3

Себер тракты, 13

Дорожная урамы, 35

Локатор урамы, 25б

Совет урамы, 18

Мир урамындагы сквер

Ричард Зорге урамы, 10

Азат Аббасов урамы, 3

Юлиус Фучик урамы, 143

Гадел Кутуй урамы, 8

Акция Казан Мэриясе, «ПЖКХ» ИК, шулай ук «Чиста уеннар» проекты командасы тарафыннан әйләнә-тирә мохитне саклау һәм рециклинг идеяләрен пропагандалау максатларында үткәрелә.

Шулай ук укыгыз

Барлык яңалыклар