Совет районында менталь тайпылышлары булган кешеләр өчен икенче укыту-күнекмә фатиры ачылды

Үзәк Минск урамындагы 20 нче йортта урнашкан

Фото: vk.com/utk_kzn

(Казан шәһәре KZN.RU, 15 нче ноябрь). Совет районында менталь тайпылышлары булган кешеләр өчен «Тормышка юл» икенче укыту-күнекмә фатиры ачылды. Ул Минск урамындагы 20 нче йортта урнашкан. Балаларның беренче төркемнәре инде дәресләр уза башлаган.

Тема буенча материаллар:

«Бу абсолют яңалык» – Илсур Метшин менталь бозылулары булган балалар өчен уку-күнекмә фатирлары турында

Фатирда аутизм белән авыручы балаларны укыту һәм аралашу өчен махсус визуаль материаллар белән җиһазландырылган биш бина бар. Тәрбияләнүчеләрне гади көнкүреш күнекмәләренә өйрәтәләр: җыештыру, пешерү, азык-төлек сатып алу, кер юу, үтәкләү һ.б. Боларның барысына да аларны махсус укыту үткән квалификацияле педагоглар һәм тьюторлар – КДМУ студентлары өйрәтә.

Төп үзенчәлекләренң берсе – иҗади һәм һөнәри компетенцияләргә басым ясау: вак моторика, күзаллау һәм социализация үсеше. Моннан тыш, балаларны компьютер грамоталылыгына өйрәтәләр, дип хәбәр итә ТР башкаласының Совет районы администрациясе.

Исегезгә төшерәбез, Татарстанда менталь тайпылышлары булган балалар өчен беренче укыту-күнекмә фатиры узган елның җәендә Казанның Зәкиев урамында ачылды. Биредә Мэр Илсур Метшин булды, ул үзенчәлекле балаларның әти-әниләре белән аралашканда шәһәрнең һәр районында шундый фатирлар ачарга кушты.

Июнь аенда проектның быелгы Президент грантлары фондының икенче конкурсында иң яхшыларның берсе дип танылуы һәм хәзер масштабланачагы билгеле булды.

Шулай ук укыгыз

Барлык яңалыклар