Казан метрополитенында 9 километрдан артык тоннель юганнар

Юл хуҗалыгы хезмәте хезмәткәрләре төп эшләрне төнлә алып баралар

Соңгы ике атнада Казан метрополитенында 9 километрдан артык тоннель юылган. «Метроэлектротранс» МУП юл хуҗалыгы хезмәте төп эшләрне төнлә башкара. Бу поездлар хәрәкәтенең иминлеген тәэмин итү белән бәйле. Белгечләр рельсларның, төртмә юнәлешле ачкычны, җиһазларның торышын тикшерәләр.

Тоннель корылмалары аралыгы хезмәткәрләре тоннельләрне һәм станцияләрне юу буенча күп көч таләп итә торган эшләр башкардылар. «Әмәт»-«Имәнлек» участогында беренче һәм икенче төп юл буенча тоннель юу әсбабы белән 6,2 км юылган.

Юл хуҗалыгы хезмәте хезмәткәрләре «Яшьлек» һәм «Әмәт» станцияләрендәге 2,3 кв.м юл диварларын һәм лотокларын, беренче төп юл буйлап «Кремль»-«Кәҗә бистәсе» кисеменең 500 метрын кулдан юдылар.

Шулай ук соңгы ике атна эчендә Казан метрополитенында 42 ишек ремонтланган, «Яшьлек», «Горки», «Әмәт» станцияләрендәге инвалидлар пандусларындагы 94 идән Һәм дивар плитәләре алыштырылган, «Әмәт» станциясендәге 132 кв.м метро күпере буялган, дип хәбәр итә «Метроэлектротранс» МУП матбугат хезмәтендә.

Элегрәк хәбәр ителгәнчә, быелның апреленнән Татарстан башкаласында трамвай юлларында 1250дән артык агач шпал алмаштырылган.

Шулай ук укыгыз

Барлык яңалыклар