«Казан» агросәнәгать паркында «Осталар шәһәре» республикакүләм ярминкә-күргәзмәсе узачак

«Казан» агросәнәгать паркында «Осталар шәһәре» республикакүләм ярминкә-күргәзмәсе узачак

<p> </p> <div class="detail-picture"> <img src="https://kzn.ru/upload/iblock/054/054291977c4270ac1f6b10c0e2188df4.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 7 нче сентябрь). «Казан» агросәнәгать паркында 16 нчы сентябрьдә «Осталар шәһәре» авыл хуҗалыгы продукциясе һәм техник иҗат эшләнмәләре республика ярминкә-күргәзмәсе узачак. Анда республиканың районнары һәм уку йортлары катнашачак.<br> <p> </p> <p> Сәүдә мәйданчыгында казанлылар камыр ризыклары, бөртекле культуралар, консервланган, сөт һәм яшелчә продукциясе, агач һәм металл эшләнмәләр, яшь төзүчеләр, балта осталары, тимерчеләрнең кул эшләнмәләрен сатып ала алачак, дип хәбәр иттеләр ТР Мәгариф һәм фән министрлыгының матбугат хезмәтендә. </p> <p> Һәр район үз экспозиция мәйданчыгын колледжлар, техникумнар һәм башка предприятиеләр һәм оешмалар белән берлектә тәкъдим итәчәк. Килүчеләрне Татарстан укучыларыннан һәм иҗат коллективларыннан күрсәткеч номерлар көтә. </p> <p> Ярминкә Аграр урамы, 2 адресы буенча узачак. Чараны ТР Авыл хуҗалыгы һәм азык-төлек министрлыгы, «Казан» агросәнәгать паркы һәм ТР урта һөнәри белем бирү учреждениеләре директорлар советы ярдәме белән ТР Мәгариф һәм фән министрлыгы оештыра. </p>

2023-09-07T17:14:04+0300