Р.Миңнеханов: «Тик бергә, бердәм һәм көчле җәмгыятьтә без тагын да зуррак нәтиҗәләргә ирешәчәкбез»

С.Сәйдәшев исемендәге Зур концерт залында Рөстәм Миңнехановның ТР Рәисе вазыйфасын кабул итү тантанасы узды

Бүген Татарстан башкаласында Рөстәм Миңнехановның ТР Рәисе вазыйфасына керешү тантанасы узды. Котлаулар белән Россия Федерациясе Хөкүмәте рәисе урынбасары Марат Хөснуллин, Россия Федерациясе президентының Идел буе федераль округында тулы вәкаләтле вәкиле Игорь Комаров, Россия Федерациясе Дәүләт Думасы депутаты Александр Бабаков чыгыш ясады. Котлау телеграммалары Россия Хөкүмәте һәм дус илләр башлыкларыннан, халык артистларыннан һәм сәнгать эшлеклеләреннән килде.

Тантананы ТР Дәүләт Советы рәисе Фәрит Мөхәммәтшин башлады. Ул катнашучыларны һәм мәртәбәле кунакларны сәламләде, алар арасында ТРның беренче президенты, Татарстан Дәүләт киңәшчесе Минтимер Шәймиев, дустанә илләрнең гадәттән тыш һәм тулы вәкаләтле илчеләре, РФ субъектлары башлыклары, Казан мэры Илсур Метшин, махсус хәрби операция геройлары һәм башкалар бар иде.

Залга Россия Федерациясе Конституциясен, Татарстан Республикасы Конституциясен, Татарстан Республикасы Рәисе штандартын керткәннән соң, Рөстәм Миңнеханов Татарстан Республикасының күпмилләтле халкына тугрылык анты бирде.

Марат Хөснуллин билгеләп үткәнчә, Татарстан күп еллар дәвамында Россия Федерациясенең икътисады, мәдәнияте һәм социаль өлкәсе үсешенә зур өлеш кертә. Елдан-ел республика төзелеш тармагында зур казанышларга ирешә.

«Без Татарстанның ничек үзгәрүен, яңа заманча объектлар: мәктәпләр, хастаханәләр, торак йортлар төзелүен күрәбез. Ә сайлаучыларның күп булуы Рөстәм Миңнехановның күпьеллык хезмәте белән республика халкында зур ихтирамга лаек булуын күрсәтә», – дип билгеләде Марат Хөснуллин.

Рөстәм Миңнехановка котлау телеграммаларын Төрекмәнстан президенты Сердар Бердымөхәммәдов, Үзбәкстан президенты Шәүкәт Мирзиев, Бәхрәйн Корольлеге короле Хамад Ибн Иса Әл Хәлифә, Абхазия Республикасы президенты Бадра Гунба, Федераль җыенның Федерация Советы рәисе Валентина Матвеенко һәм башкалар җибәрде.

Россия Федерациясе президентының Идел буе федераль округындагы тулы вәкаләтле вәкиле Игорь Комаров билгеләп үткәнчә, 15 ел дәвамында Рөстәм Миңнеханов югары осталык, яхшы нәтиҗәләргә ирешергә омтылу һәм Татарстан халкының иминлеге турында кайгыртучанлык күрсәтә.

«Бүген Татарстан күзгә күренеп үсә: биредә яңарышлар, яхшы сыналган идарә итү механизмнары һәм төрле мәдәният, халык һәм дин вәкилләре дуслыгының тарихи гореф-гадәтләре берләшкән», – дип шәрехләде Игорь Комаров һәм Рөстәм Миңнехановка мөрәҗәгать итте – «Сезнең һәм сезнең командагызның алда эше күп. Сезнең холкыгызны һәм җиңүгә омтылышыгызны белеп, мин барлык башлангычларның һәм проектларның уңышына ышанам».

Инаугурация ахырында Рөстәм Миңнеханов гражданнарга ышаныч белдергәннәре өчен тирән рәхмәтен белдерде.

«Татарстанның күпмилләтле халкының сайлавын кабул итеп, республика язмышы өчен аның барлык халкы, гореф-гадәтләрне, кыйммәтләрне һәм туган җиргә мәхәббәтне саклап калган һәм безгә тапшырган ата-бабалар, шулай ук киләчәк буыннар алдында җаваплылык тоям», – диде Рөстәм Миңнеханов»

Ул шулай ук Россия Федерациясе президенты Владимир Путинга республикага, Михаил Мишустин җитәкчелегендәге ил Хөкүмәтенә һәм Татарстан Республикасының беренче президенты Минтимер Шәймиевка шәхси ярдәме һәм игътибары өчен рәхмәт белдерде.

«Соңгы биш елда Татарстан пандемия, санкция басымнары һәм икътисадый элемтәне үзгәртү алдында үзенең тотрыклылыгын күрсәтте. Бүген безнең республика – илнең терәк төбәге», – диде ТР рәисе.

Ул шулай ук билгеләп үткәнчә, бу елларда республика тулай төбәк продуктын һәм сәнәгать җитештерүен үстерде, цифрлы трансформация буенча лидерга әверелде. Бергәләп, милли проектлар һәм республика программалары кысаларында тормыш сыйфатын күтәрү, шул исәптән торак, социаль объектлар, юллар төзү һәм капиталь ремонтлау, ишегалларын һәм җәмәгать урыннарын төзекләндерү буенча гаять зур эш башкарылды.

«Безнең эшнең үзәгендә – кешеләр турында кайгырту. Нәкъ менә кеше 2030 елга кадәр республиканың социаль-икътисадый үсеше стратегиясенең үзәк өлеше булып тора, ә гражданнарның тормыш сыйфатын күтәрү безнең өстенлегебез булып кала. Бу юнәлештәге эшне без алга таба да дәвам итәчәкбез», – дип ассызыклады Рөстәм Миңнеханов.

«Бүген Татарстан командасы – илгә һәм республикага хезмәт итүчеләрнең барысы да: туган йортын саклаучылар, үз эш урынында эшләүчеләр. Алда безнең бик җентекле эш, шул исәптән сайлау кампаниясе кысаларында әйтелгән теләкләрне һәм тәкъдимнәрне үтәү буенча да. Монда мин сайлауларда катнашкан барлык сәяси көчләр вәкилләренә исәп тотам. Ышанам ки, бердәм һәм көчле җәмгыятьтә без тагын да зуррак нәтиҗәләргә ирешәчәкбез», – дип йомгаклады ул һәм Татарстан үсешенең төп юнәлешләре ТР Дәүләт Советына юллама барышында тәкъдим ителәчәген хәбәр итте.

ТР Дәүләт Советы рәисе Фәрит Мөхәммәтшин сүзен йомгаклап: «Татарстан рәисе җитәкчелегендә ТР хакимиятенең барлык тармаклары һәм дәрәҗәләренең шундый бердәм килештерелгән эше, һичшиксез, бу максатларга ирешәчәгенә шик юк», – диде.

Инаугурация тантанасында катнашучылар һәм кунаклар шулай ук «Татарстан символларда: мирас һәм киләчәк» күргәзмәсен карадылар. Анда Татарстан дәүләтчелегенең тарихи мирасын чагылдырган 100 гә якын экспонат тәкъдим ителде.

Исегезгә төшерәбез, Татарстанда бердәм тавыш бирү көне 14 сентябрьдә узды. Аның нәтиҗәләре буенча, Рөстәм Миңнеханов 88,09% җыеп, җиңүче булды. Рөстәм Миңнеханов Татарстан рәисе вазифасын 2010 елдан бирле башкара, аның өчен яңа срок дүртенче рәттән булды.

Шулай ук укыгыз

Барлык яңалыклар

Бүген Татарстан башкаласында Рөстәм Миңнехановның ТР Рәисе вазыйфасына керешү тантанасы узды. Котлаулар белән Россия Федерациясе Хөкүмәте рәисе урынбасары Марат Хөснуллин, Россия Федерациясе президентының Идел буе федераль округында тулы вәкаләтле вәкиле Игорь Комаров, Россия Федерациясе Дәүләт Думасы депутаты Александр Бабаков чыгыш ясады. Котлау телеграммалары Россия Хөкүмәте һәм дус илләр башлыкларыннан, халык артистларыннан һәм сәнгать эшлеклеләреннән килде. Тантананы ТР Дәүләт Советы рәисе Фәрит Мөхәммәтшин башлады. Ул катнашучыларны һәм мәртәбәле кунакларны сәламләде, алар арасында ТРның беренче президенты, Татарстан Дәүләт киңәшчесе Минтимер Шәймиев, дустанә илләрнең гадәттән тыш һәм тулы вәкаләтле илчеләре, РФ субъектлары башлыклары, Казан мэры Илсур Метшин, махсус хәрби операция геройлары һәм башкалар бар иде. Залга Россия Федерациясе Конституциясен, Татарстан Республикасы Конституциясен, Татарстан Республикасы Рәисе штандартын керткәннән соң, Рөстәм Миңнеханов Татарстан Республикасының күпмилләтле халкына тугрылык анты бирде. Марат Хөснуллин билгеләп үткәнчә, Татарстан күп еллар дәвамында Россия Федерациясенең икътисады, мәдәнияте һәм социаль өлкәсе үсешенә зур өлеш кертә. Елдан-ел республика төзелеш тармагында зур казанышларга ирешә. «Без Татарстанның ничек үзгәрүен, яңа заманча объектлар: мәктәпләр, хастаханәләр, торак йортлар төзелүен күрәбез. Ә сайлаучыларның күп булуы Рөстәм Миңнехановның күпьеллык хезмәте белән республика халкында зур ихтирамга лаек булуын күрсәтә», – дип билгеләде Марат Хөснуллин. Рөстәм Миңнехановка котлау телеграммаларын Төрекмәнстан президенты Сердар Бердымөхәммәдов, Үзбәкстан президенты Шәүкәт Мирзиев, Бәхрәйн Корольлеге короле Хамад Ибн Иса Әл Хәлифә, Абхазия Республикасы президенты Бадра Гунба, Федераль җыенның Федерация Советы рәисе Валентина Матвеенко һәм башкалар җибәрде. Россия Федерациясе президентының Идел буе федераль округындагы тулы вәкаләтле вәкиле Игорь Комаров билгеләп үткәнчә, 15 ел дәвамында Рөстәм Миңнеханов югары осталык, яхшы нәтиҗәләргә ирешергә омтылу һәм Татарстан халкының иминлеге турында кайгыртучанлык күрсәтә. «Бүген Татарстан күзгә күренеп үсә: биредә яңарышлар, яхшы сыналган идарә итү механизмнары һәм төрле мәдәният, халык һәм дин вәкилләре дуслыгының тарихи гореф-гадәтләре берләшкән», – дип шәрехләде Игорь Комаров һәм Рөстәм Миңнехановка мөрәҗәгать итте – «Сезнең һәм сезнең командагызның алда эше күп. Сезнең холкыгызны һәм җиңүгә омтылышыгызны белеп, мин барлык башлангычларның һәм проектларның уңышына ышанам». Инаугурация ахырында Рөстәм Миңнеханов гражданнарга ышаныч белдергәннәре өчен тирән рәхмәтен белдерде. «Татарстанның күпмилләтле халкының сайлавын кабул итеп, республика язмышы өчен аның барлык халкы, гореф-гадәтләрне, кыйммәтләрне һәм туган җиргә мәхәббәтне саклап калган һәм безгә тапшырган ата-бабалар, шулай ук киләчәк буыннар алдында җаваплылык тоям», – диде Рөстәм Миңнеханов» Ул шулай ук Россия Федерациясе президенты Владимир Путинга республикага, Михаил Мишустин җитәкчелегендәге ил Хөкүмәтенә һәм Татарстан Республикасының беренче президенты Минтимер Шәймиевка шәхси ярдәме һәм игътибары өчен рәхмәт белдерде. «Соңгы биш елда Татарстан пандемия, санкция басымнары һәм икътисадый элемтәне үзгәртү алдында үзенең тотрыклылыгын күрсәтте. Бүген безнең республика – илнең терәк төбәге», – диде ТР рәисе. Ул шулай ук билгеләп үткәнчә, бу елларда республика тулай төбәк продуктын һәм сәнәгать җитештерүен үстерде, цифрлы трансформация буенча лидерга әверелде. Бергәләп, милли проектлар һәм республика программалары кысаларында тормыш сыйфатын күтәрү, шул исәптән торак, социаль объектлар, юллар төзү һәм капиталь ремонтлау, ишегалларын һәм җәмәгать урыннарын төзекләндерү буенча гаять зур эш башкарылды. «Безнең эшнең үзәгендә – кешеләр турында кайгырту. Нәкъ менә кеше 2030 елга кадәр республиканың социаль-икътисадый үсеше стратегиясенең үзәк өлеше булып тора, ә гражданнарның тормыш сыйфатын күтәрү безнең өстенлегебез булып кала. Бу юнәлештәге эшне без алга таба да дәвам итәчәкбез», – дип ассызыклады Рөстәм Миңнеханов. «Бүген Татарстан командасы – илгә һәм республикага хезмәт итүчеләрнең барысы да: туган йортын саклаучылар, үз эш урынында эшләүчеләр. Алда безнең бик җентекле эш, шул исәптән сайлау кампаниясе кысаларында әйтелгән теләкләрне һәм тәкъдимнәрне үтәү буенча да. Монда мин сайлауларда катнашкан барлык сәяси көчләр вәкилләренә исәп тотам. Ышанам ки, бердәм һәм көчле җәмгыятьтә без тагын да зуррак нәтиҗәләргә ирешәчәкбез», – дип йомгаклады ул һәм Татарстан үсешенең төп юнәлешләре ТР Дәүләт Советына юллама барышында тәкъдим ителәчәген хәбәр итте. ТР Дәүләт Советы рәисе Фәрит Мөхәммәтшин сүзен йомгаклап: «Татарстан рәисе җитәкчелегендә ТР хакимиятенең барлык тармаклары һәм дәрәҗәләренең шундый бердәм килештерелгән эше, һичшиксез, бу максатларга ирешәчәгенә шик юк», – диде. Инаугурация тантанасында катнашучылар һәм кунаклар шулай ук «Татарстан символларда: мирас һәм киләчәк» күргәзмәсен карадылар. Анда Татарстан дәүләтчелегенең тарихи мирасын чагылдырган 100 гә якын экспонат тәкъдим ителде. Исегезгә төшерәбез, Татарстанда бердәм тавыш бирү көне 14 сентябрьдә узды. Аның нәтиҗәләре буенча, Рөстәм Миңнеханов 88,09% җыеп, җиңүче булды. Рөстәм Миңнеханов Татарстан рәисе вазифасын 2010 елдан бирле башкара, аның өчен яңа срок дүртенче рәттән булды.