Казанлыларны мода һәм сәламәтлек бәйрәменә чакыралар

Казанлыларны мода һәм сәламәтлек бәйрәменә чакыралар

<p> 23 августта Казанда диабет белән авыручы балалар һәм өлкәннәр өчен яраклаштырылган кием булдыруга багышланган «Киртәсез стиль» фестивале узачак. Чара «Вертолет» яшьләр үзәгендә узачак. </p> <p> Фестиваль кунакларын төрле активлыклар көтә: яраклаштырылган кием күрсәтү, интерактив мастер-класслар, «ДиаРитм-Зумба»дан көчле күнегүләр, эндокринолог белән өстәл уеннары, дип хәбәр итә Диабет белән көрәш фонды матбугат хезмәте. </p> <p> Шулай ук чарада яраклаштырылган кием өлгеләренең бөтенроссия конкурсына йомгак ясалачак. Татарстанда диабет белән авыручы 240 бала һәм өлкәннәрне сораштыру нигезендә аларның көндәлек тормышындагы барлык үзенчәлекләрне исәпкә алып, уңайлы һәм стильле киемнәр эшләнгән һәм тегелгән. Конкурс йомгаклары буенча иң яхшы 12 эш сайлап алынды. </p> <p> Фестиваль Диабет белән көрәш фонды тарафыннан оештырылган, ул 10 ел дәвамында диабет белән авыручы кешеләргә һәм аларның якыннарына һәрьяклап ярдәм күрсәтә. Фестиваль 11:00 сәгатьтә Кече Мәскәү урамындагы 15 йорт адресы буенча башлана. </p>

2025-08-15T15:26:07+0300