Казан укучылары математика буенча Бөтенроссия олимпиадасында җиңү яулады

Казан укучылары математика буенча Бөтенроссия олимпиадасында җиңү яулады

<p> (Казан шәһәре KZN.RU, 30-нчы апрель). Казан укучылары математика буенча Бөтенроссия олимпиадасы җиңүчеләре һәм призерлары булды, аның йомгаклау этабы 21-27 апрель көннәрендә Пермь шәһәрендә узды. Татарстан данын Казан һәм Яр Чаллы гомуми белем бирү оешмаларыннан 33 укучы яклады. Финал ике турда үтте. Балаларга 8 мәсьәлә тәкъдим ителде. </p> <p> Вахитов районының 131-нче номерлы лицееның 10 сыйныф укучысы Аркадий Андреев, Яңа Савин районының 7-нче номерлы гимназиясенең 10 сыйныф укучысы Владислав Храмов математика буенча Бөтенроссия мәктәп укучылары олимпиадасының йомгаклау этабы җиңүчеләре булдылар. </p> <p> Олимпиадада Вахитов районының 131-нче номерлы лицееның 9 сыйныф укучылары Данил Сибгатуллин һәм Айдар Ибраһимов, КФУның ІТ-лицееның 9 сыйныф укучысы Виталий Курин, Вахитов районының 131-нче номерлы лицееның 7 сыйныф укучысы Ралина Йосыпова, Вахитов районының 131-нче номерлы лицееның 10 сыйныф укучысы Алексей Закиров <a href="http://mon.tatarstan.ru/rus/index.htm/news/1462303.htm" target="_blank">һәм башкалар</a> призер булдылар. </p> <p> Бәйгедә Россиянең 66 төбәгеннән барлыгы 378 укучы катнашты, дип хәбәр итә ТР Мәгариф һәм фән министрлыгы матбугат хезмәте. </p>

2019-04-30T08:46:43+0300