Бу атнада татарстанлыларны яңгырлар һәм +18 градуска кадәр җылы һава торышы көтә

Бу атнада татарстанлыларны яңгырлар һәм +18 градуска кадәр җылы һава торышы көтә

<p> </p> <div class="detail-picture"> <img src="https://kzn.ru/upload/iblock/92c/92c8219074f9e09c2352310f959b8f3d.jpg"> <p class="detail-picture__caption"> Фото: Марат Мөгыйнов </p> </div> Бу атнада Татарстанда яңгыр көтелә. Һаваның максималь температурасы +18 градус тәшкил итәчәк, дип хәбәр итә республиканың Гидрометеорология үзәге.<br> <p> </p> <p> Иртәгә Казанда болытлы булачак. Синоптиклар төнлә бераз яңгыр вәгъдә итә, аерым районнарда томан фаразлана. Һава температурасы +4..+6 градус тәшкил итәчәк. Көндез явым-төшем көтелми, урыны белән җил секундына 11 метрга кадәр көчәячәк. Термометр баганалары +14..+16 градуска кадәр күтәреләчәк. </p> <p> Татарстанда 9 нчы апрель төнендә һәм иртән яңгыр явачак, аерым районнарда томан көтелә. Көндез явым-төшем фаразланмый. Температура сизелерлек күтәреләчәк: төнлә +2 дән +7 градуска кадәр булачак. Көндез һава +12..+17 градуска кадәр җылыначак. </p> <p> Чәршәмбе, 10 нчы апрель, төнендә республика буенча урыны белән бераз яңгыр явачак, һава температурасы +1..+6 градус тәшкил итәчәк. Көндез явым-төшем ихтималы аз, +10..+15 градуска кадәр җылыну көтелә. Пәнҗешәмбе, 11 нче апрель, төнлә -2..+3 градуска кадәр салкын булачак. Көндез һава +13..+18 градуска кадәр җылыначак. </p> <p> Яңгырлар республикага җомга һәм шимбә көннәрендә, 12 нче һәм 13 нче апрельдә кайтачак. Төнге сәгатьләрдә термометр баганалары +3..+8 градуска кадәр төшәчәк. Көндез һава температурасы +9..+14 градус тәшкил итәчәк. </p>

2024-04-08T15:51:00+0300