Казанның тугыз укучысы информатика буенча халыкара турнир медальләре алып кайтты

Казанның тугыз укучысы информатика буенча халыкара турнир медальләре алып кайтты

<p> (Казан шәһәре KZN.RU 27-нче ноябрь). Казан укучылары информатика буенча Х Халыкара Көзге турнирдан тугыз медаль алып кайтты. Сынаулар 21-25 ноябрьдә Шуменда (Болгария) узды.<br> </p> <p> 44 кешедән торган Россия җыелма командасы составына Татарстан башкаласының 22 вәкиле керде. Аларның тугызы 3 алтын һәм 6 бронза медаль яулый алды. 15,5 яшькә кадәр мәктәп укучылары чыгыш ясаган «Юниор» категориясендә Яңа Савин районының 7-нче лицей-интернаты укучысы Булат Миннеханов һәм Мәскәү районының 2-нче лицей-интернаты укучысы Булат Харисов иң яхшылардан булдылар. Шул ук категориядәге бронзаны Вахитов районының 131-нче лицее укучысы Камил Шәрипов һәм КФУның ІТ-лицее укучысы Артур Лукьянов алды. 15,5 яшьтән өлкәнрәк укучылар арасында, «Сениор» категориясендә Н.И.Лобачевский исемендәге лицей укучысы Илдар Гайнуллин җиңүче булды. . Вахитов районының 131-нче лицее укучысы Булат Миңнеханов, Мәскәү районының Ж.А.Зайцев исемендәге 122-нче гимназиясе укучысы Арсений Староверов, КФУның ІТ-лицее укучысы Алексей Максимов һәм Н.И.Лобачевский исемендәге лицей укучысы Азат Исмәгыйлев өченче дәрәҗә лауреат булдылар, дип хәбәр итә Иннополис университеты. Биредә укучылар Халыкара турнирга әзерләнделәр. </p> <p> 2018 елгы ярышта барлыгы 9 илдән 200 укучы катнашты: Россия, Болгария, Әрмәнстан, Румыния, Молдавия, Швейцария, Сербия, Әзербайҗан һәм Польша. </p> <p> Болгариядә информатика буенча Халыкара Көзге турнир 2009 елдан Болгариянең мәгариф һәм фән министрлыгының информатика буенча Милли комитет җитәкчесе инициативасы белән үткәрелә. </p>

2018-11-27T10:42:00+0300